agus rinn iad gàirdeachas ann an obraichean an làmhan fhein

“Seagh, thog sibh suas pàillean Mholoich, agus reul ur dè Remphan, dealbhan a rinn sibh a-chum adhraidh dhaibh: uime sin atharraichaidh mi sibh an taobh thall de Bhàbilon… “

Seo pìos beag slighe nan reultan air beulaibh an Taigh-cluiche Kodak. Tha an t-slighe na ruith thar meadhan a’ bhaile. Thill deas-gnàth nan duaisean* do dh’Hollywood ann an 2002.

*awards ceremony a rèir faclair MhicThomais

“Ciamar a tha Los Angeles?” Chuir Aonghas ceist dhomh. ” ‘Se baile mòr, inntinneach, cruaidh a th’ann,” dh’fhreagair mi. ‘Sann fàisg air Taigh-cluiche Kodak a bha an dithis seo nan cadal. Tha 80,000 daoine gun taigh ann an Siorrachd Los Angeles.

Chaidh mi gu Taigh-cluiche Kodak an-dè. Tha taigh-cluiche El Capitan mu chonneimh an Kodak air Hollywood Boulevard. Chunnaic mi gun robh prìomh-thaisbeanadh film ann an-sin. ‘Sann aig Disney a tha El Capitan. ‘Se fior thaigh-cluiche a bh’ann o thùs, anns na 1920an. Thog me an dealbh seo. Uaireigin, chluich an actair seo role gu math ainmeil, còmhla ri an riaghladair California, Arnold Schwarzenegger. An aithne dhuibh an t-actair no am film?

Seo aghaidh An Taigh-cluiche Kodak air Hollywood Boulevard. Togaidh mi dealbhan dheth tro na làithean ri teachd.